BMT Bəndər Abbas partlayışından sonra İran xalqına və hökumətinə başsağlığı verib

Birləşmiş Millətlər Təşkilatı İranın Bəndər Abbas şəhərindəki Şəhid Rəcai limanında baş vermiş güclü partlayışdan sonra İran xalqına və hökumətinə başsağlığı verib.

Yerli vaxtla şənbə günü gecə İRNA-ya danışan BMT-nin sözçüsü Stefan Düjarrik deyib: Biz aprelin 26-da İran İslam Respublikasının Bəndər Abbas şəhərinin Şəhid Rəcai limanında baş vermiş partlayış nəticəsində çoxlu sayda qurbanların olduğunu böyük təəssüf hissi ilə öyrəndik.

Düjarrik deyib: Biz həyatını itirənlərin ailələrinə, İran xalqına və hökumətinə başsağlığı verir və acılarına şərik olduğumuzu bildiririk, yaralananların tezliklə sağalmasını arzulayırıq.