Mühacirani: 72 qadın və uşaq şəhid olub

Hökumət sözçüsü bildirib ki, indiyədək 72 şəhid qadın və uşaq qeydə alınıb, bunların arasında dörd hamilə ana da var ki, körpələri ilə birlikdə şəhid olublar. O əlavə edib ki, yeddi xəstəxana müxtəlif şəkildə zərər görüb, Kermanşah xəstəxanası isə birbaşa hədəf alınıb. Eyni zamanda, 11 təcili yardım maşını və 6 səhiyyə məntəqəsi zərər çəkib.

Hökumət sözçüsü deyib ki, icra işləri sahəsində qərara alınıb ki, valilər hökumət qərarına əsasən onlara verilmiş səlahiyyətlərdən istifadə edərək məsələləri ciddi şəkildə izləsinlər. Həmçinin müxtəlif işçi qruplar öz fəaliyyətləri barədə hesabat təqdim ediblər.

Mühacirani bildirib ki, Kənd Təsərrüfatı Nazirliyi də xüsusilə Tehran və yüksək gediş-gəlişli bölgələrdə əsas ərzaq məhsullarının təminində mühüm rol oynayıb. O qeyd edib ki, ümumilikdə, 12 günlük müharibə dövründə ölkə üzrə 611 min ton əsas ərzaq məhsulu, o cümlədən düyü, toyuq, ət, şəkər, yağ, un və yumurta paylanıb. Həmçinin limanlarda təxminən bir milyon ton idxal məhsulunun boşaldılması baş tutub ki, onların böyük hissəsini əhalinin gündəlik tələbat məhsulları təşkil edib.