İranın cənub-şərqində İsrailə bağlı 52 terrorçu və muzdlu həbs edilib

İranın cənub-şərqindəki Sistan və Bəlucistan vilayətində İsrail rejimi ilə əlaqəsi olan 52-dən çox terrorçu ünsür saxlanılıb və ya öldürülüb.

İslam İnqilabı Keşikçiləri Korpusu SEPAH-ın Quru Qoşunlarının Qüds Qərargahının İctimaiyyətlə Əlaqələr Şöbəsi bildirib ki, Sistan və Bəlucistan vilayətinin cənubundakı son əməliyyatlar zamanı İsrail rejimi ilə əlaqəsi olan 52-dən çox terrorçu və muzdlu həbs edilib, daha ikisi isə öldürülüb.

SEPAH-ın Quru Qoşunları çərşənbə axşamı yaydığı bəyanatda əməliyyatın “Təhlükəsizlik Şəhidləri” təliminin bir hissəsi olduğunu və təhlükəsizlik və kəşfiyyat orqanları, eləcə də yerli sakinlərlə birgə həyata keçirildiyini bildirib.

Həbs edilən şəxslərin ölkənin şərqində yerləşən terror qruplaşmalarına bağlı olduqları bildirilir. Onların əməliyyat məqsədləri cənub vilayətində əmin-amansızlığın yayılması və infrastruktur və iqtisadi sektorlara qarşı pozucu hərəkətlərin həyata keçirilməsindən ibarət idi.

Bundan əlavə, həbs edilənlərdən ABŞ istehsalı olan silahlar da daxil olmaqla, böyük miqdarda silah və hərbi sursat ələ keçirilib.