İrana qarşı 12 günlük müharibədə media şəhidlərinin sayı 12-yə yüksəlib

Bəsic (könüllü) Media Təşkilatı və Milli Media Bəsic Mərkəzi birgə bəyanatda bildiriblər: Sionist rejimin ölkəyə qarşı hərbi təcavüzü zamanı şəhid olan daha iki media fəalının şəxsiyyətinin müəyyən edilməsi və təsdiqlənməsi ilə son müharibənin media şəhidlərinin sayı 12-yə çatıb. Təşkilat həmçinin bu jurnalistlərin qətlini törədənlərin beynəlxalq mühakimə olunmasına çağırıb.

Bəyanatda deyilir: Bəsic Xəbər Agentliyinin fotoqrafı və müxbiri Şəhid Əbülfəzl Fəthi və “Əndişe Puya” jurnalı da daxil olmaqla müxtəlif KİV-lərin qrafik dizayneri Şəhid Saleh Bayrami və daha əvvəl yaralanmış “Savicnüma” informasiya saytının direktoru və “Titr 1” saytının müxbiri Şəhid Fatimə Salehi Əlbürzdə media şəhidlərinə qoşuldular.Bundan əvvəl sionist rejimin media mərkəzlərinə, o cümlədən İran Yayım Korporasiyası binasına və Bəyan media mərkəzinə birbaşa və məqsədyönlü hücumları nəticəsində dünyasını dəyişən 9 jurnalist, operator və media fəalının şəhadəti elan edilib. Bu hücumlar zamanı bu əzizlərimizin şəhid olması ilə yanaşı, 10-dan çox insan yaralanıb və müalicə olunub.Sionist rejim yeni döyüş meydanında “rəvayətlər müharibəsi”nin əhəmiyyətini yaxşı bildiyi halda, ölkənin media infrastrukturunu hədəfə alıb. Bu terror aktları həqiqətin səsini susdurmaq və müqavimət cəbhəsi mediasını susdurmaq məqsədi ilə həyata keçirilib; lakin təcrübənin göstərdiyi kimi, həqiqətin səsini susdurmaq mümkün deyil.Bəyanatda əlavə edilir: Biz Bəsic (könüllü) Media Təşkilatı və Milli Media Bəsic Mərkəzində media şəhidlərinin şərəfli mövqeyini ehtiramla yad etməklə yanaşı, bu əzizlərin yolunun məlumatlandırma, maarifləndirmə, “izah cihadı” olduğunu vurğulayırıq. Əminik ki, onların xatirəsi və adları İran xalqının tarixi yaddaşında və inqilabçı medianın qürurverici yaddaşında əbədi yaşayacaqdır.Son olaraq 12 günlük müharibənin media şəhidlərinin adları belə açıqlanır:1. Şəhid Ramzan Əli Çubdari2. Şəhid Əmir Hüseyn Tavousi3. Şəhid Əli Təhmasibi4. Şəhid Nima Rəcəbpur5. Şəhid Məhəmməd Muin Nəzəri6. Şəhid Məhəmməd Cavad Əlvəndi7. Şəhid Ehsan Zakiri8. Şəhid Əbülfəzl Fəthi9. Şəhid Firiştə Baqiri10. Şəhid Məsumə Əzimi11. Şəhid Fatimə Salehi12. Şəhid Saleh Bayrami