Prezident Pezeşkian: Təslim olmaq bizim xislətimizdə yoxdur

 Prezident Məsud Pezeşkian düşmənlərin təzyiq və təxribatlarına toxunaraq bildirib ki, təslim olmaq bizim xislətimizdə yoxdur.

Pezeşkian, 19 avqust 2025-ci il bazar günü, “Jurnalist Günü” münasibətilə media rəhbərləri ilə görüşündə deyib: “Bu gün düşmən maneələr yaratmağa çalışır və hər gün yeni sanksiyalar tətbiq edir. Əgər biz inancımıza, müstəqilliyimizə və etiqadımıza sadiqiksə, çətinliklərə dözməliyik. Şairin dediyi kimi: ‘Həm yoldaş istəyirsən, həm də baş – istəyəcəksən, amma baş verməyəcək.’ Yəni, həm dəstək gözləyib, həm də heç bir çətinlik çəkmədən məqsədə çatmaq mümkün deyil. Bir çox məsələləri səbirlə və təmkinlə həll etmək lazımdır, çünki dava-dalaşla nəticə əldə olunmaz.”

Prezident vurğulayıb: “Təslim olmaq bizim xislətimizdə yoxdur, amma mənim inancım budur ki, dava ilə də bir yerə çatmaq olmaz. Həzrət Əli (ə) buyurduğu kimi, əgər səni sülhə dəvət etsələr, onu rədd etmə. Məsələlərə emosional yanaşmaq olmaz.”

Pezeşkian bir daha dövlət qərarlarının tam şəkildə Ali Rəhbərlə uzlaşdırıldığını qeyd edərək deyib: “Hər bir addım Ali Rəhbərin razılığı və koordinasiyası ilə atılacaq. Elmi və inanc baxımından düşünürəm ki, Ali Rəhbərin mövqeyinə zidd olan heç bir işi görmək olmaz və mən də etməyəcəyəm. Ali Rəhbərin mövqeyi bildirildikdən sonra isə bəhanə gətirmək yox, ölkə və xalqın mənafeyi naminə danışmaq lazımdır.”