Polis əməkdaşları müharibə şəraitində belə ölkənin təhlükəsizliyini qoruyublar

İranın Ali Rəhbəri və Silahlı Qüvvələrin Ali Baş Komandanı Ayətullah Seyid Müctəba Hüseyni Xamenei Polis Həftəsi münasibətilə yaydığı mesajda Fəraca qüvvələrinin ABŞ və İsrailin hücumlarına baxmayaraq, ölkədə asayişin və təhlükəsizliyin qorunmasında göstərdiyi fədakarlığı yüksək qiymətləndirib.

İranın Ali Rəhbəri və Silahlı Qüvvələrin Ali Baş Komandanı Ayətullah Seyid Müctəba Hüseyni Xamenei Polis Həftəsi münasibətilə yayımladığı mesajda Fəraca qüvvələrinin ölkənin təhlükəsizliyinin təmin olunmasındakı fədakar xidmətlərini yüksək qiymətləndirib.

Mesajda vurğulanıb ki, ABŞ və İsrailin polis qüvvələrinə zərbə vurmaq cəhdlərinə baxmayaraq, Fəraca əməkdaşları müharibə şəraitində belə öz vəzifələrini cəsarətlə davam etdirərək ölkədə asayiş və təhlükəsizliyin qorunmasına töhfə veriblər.

Ali Rəhbər qeyd edib ki, İranın böyük şəhərlərindən kənd və məhəllələrə, çətin iqlim şəraitindəki sərhəd bölgələrindən dənizlərə qədər təhlükəsizliyin təmin olunması polis əməkdaşlarının fədakarlığı və şücaəti sayəsində mümkün olub.

Mesajda həmçinin bildirilib ki, Fəraca qüvvələrinin komandanlıq strukturlarından polis bölmələri və sərhəd məntəqələrinə qədər bütün səviyyələrdə fəaliyyəti son illərdə daha da əhəmiyyət qazanıb. Müharibələr zamanı bu qüvvələrin üzərinə düşən vəzifələri davam etdirməsi onların ölkənin təhlükəsizlik sistemindəki mühüm rolunu bir daha nümayiş etdirib.