Mart 27, 2024 10:03 Asia/Baku
  • İranın Rusiyadakı səfiri: “3+3” formatı regiondakı problemlərin həlli üçün ən faydalı platformadır

"3+3" formatında görüş bu il keçirilə bilər

“3+3” formatı regiondakı problemlərin həlli üçün ən faydalı platformadır.

Aran Radiosu "Report"a istinadla xəbər verir ki, bunu İranın Rusiyadakı səfiri Kazım Cəlali keçirdiyi mətbuat konfransında NEWS.ru portalının əməkdaşının sualını cavablandırarkən deyib.

O, konsultativ platformanın əvvəlki iclasının ötən il Tehranda keçirildiyini xatırladıb və bu il yeni görüş olacağına ümid etdiyini söyləyib.

“Qeyd etmək vacibdir ki, digər ölkələrin, “fövqəlgüclər”in istənilən müdaxiləsi vəziyyəti gərginləşdirir. Digər ölkələrin mövcudluğu Cənubi Qafqazda nizamlanmaya mane olur. Bu regionda altı ölkə var - Rusiya, Türkiyə, İran, Azərbaycan, Ermənistan və Gürcüstan. Məhz elə bu ölkələr də region üzrə ən yaxşı ekspertlərdir”, - diplomat bildirib.