İranın qonşuluq siyasəti davam edəcək

İranın yeni seçilmiş prezidenti Məsud Pezeşkiyanın trans-regional Əl-Ərəbi Əl-Cədid qəzetində dərc olunmuş məqaləsi onun “qonşuluq siyasəti”ni davam etdirəcəyini göstərir.

Məqalədə deyilir: “İranın xarici siyasətinin əsas prioriteti qonşuları ilə əməkdaşlığı genişləndirməkdir və yeni hökumət buna çalışacaq, qonşu dövlətlərlə münasibətlərin möhkəmləndirilməsində mövcud hökumətin yanaşmasını təkmilləşdirəcəkdir.

Qeyd olunur ki, 14-cü hökumət region ölkələri ilə bir-birinin milli suverenliyinə və ərazi bütövlüyünə qarşılıqlı hörmət əsasında ikitərəfli münasibətləri fəal və qarşılıqlı surətdə təşviq edəcək.

Qətərdə çıxan “Əl-Ərəbi Əl-Cədid” qəzetində dərc olunmuş “Güclü və firavan region naminə birlikdə” başlıqlı məqalədə həmçinin deyilir: “İndi mən İranın prezidenti olmuşam və qonşularımızla işləmək istəyirəm. konstruktiv dialoq, region xalqları arasında əməkdaşlıq və həmrəyliyin gücləndirilməsi yolunda birlikdə addımlaya bilərik”.

Məsud Pezaşkiyanın yazısından belə anlaşılır ki, heç bir ölkə müasir dünyada qonşularının iştirakı və əməkdaşlığı olmadan öz milli məqsədlərinə nail ola bilməz. İran İslam Respublikasının xarici siyasəti bir milli vahid olaraq həmişə milli maraqları rəhbər tutmuş və müxtəlif hökumətlər milli maraqları “izzət, hikmət və məqsədəuyğunluq” prinsipləri əsasında həyata keçirməyə çalışmışlar.

İranın 7 sərhəd qonşusu və 10 sahil qonşusu var ki, bu da İranın diplomatiyası, iqtisadiyyatı və mədəniyyəti üçün saysız-hesabsız imkanlar yaradıb. Bu çərçivədə qonşuluq siyasəti sistemli və məqsədyönlü strategiya kimi məna kəsb edir. Qonşuluq siyasəti, zaman keçdikcə əhəmiyyətini ikiqat artıraraq, bu gün müəyyən olunduğu dərəcədə İran İslam Respublikası üçün mühüm məsələ sayılır.

Qonşuluq siyasətinə daha yüksək etimad faktoru verən 13-cü hökumət dövründə İran və Səudiyyə Ərəbistanı arasında əlaqələrin bərpası və İranla digər qonşular arasında qarşılıqlı əlaqələrin artması ilə özünü göstərən bu yanaşmanın qonşu ölkələr tərəfindən alqışlanır