İranın BMT-dəki səfiri: Qəzzada atəşkəs davamlı həll yoluna çevrilməlidir

 İranın BMT-dəki səfiri və daimi nümayəndəsi Əmir Səid İrəvani Təhlükəsizlik Şurasının iclasında Qəzzadakı atəşkəs barədə deyib: Atəşkəs alqışlansa da, bu, daimi və davamlı həll yoluna çevrilməlidir.

İran İslam Respublikasının BMT-dəki səfiri və daimi nümayəndəsi Əmir Səid İrəvani yerli vaxtla bazar ertəsi Təhlükəsizlik Şurasının Fələstinlə bağlı iclasında əlavə edib: Bunun üçün İsrail rejimi qüvvələrinin tamamilə çıxarılması, humanitar yardımın fasiləsiz çatdırılması və Qəzzanın hərtərəfli yenidən qurulması planının formalaşdırılması tələb olunur.

İran İslam Respublikasının BMT-dəki yüksək vəzifəli diplomatı əlavə edib: İsrail rejiminin tamamilə geri çəkilmək istəməməsi və Qəzza üzərində təhlükəsizlik nəzarətini saxlamaqda israrlı olması bu səyləri zəiflədir və qeyri-sabitliyi davam etdirir. Təhlükəsizlik Şurası Qəzzanın ərazi bütövlüyünün müdafiəsində vahid və qətiyyətli mövqe tutmalıdır.