Əraqçinin başçılıq etdiyi İran nümayəndə heyəti Omana yola düşüb

İran İslam Respublikası Xarici İşlər Nazirliyinin sözçüsü elan edib: Əraqçinin başçılığı ilə İran nümayəndə heyəti İran-ABŞ danışıqlarının keçirildiyi Məsqətə yola düşüb.

İsmayıl Bəqayi X sosial şəbəkəsində yazıb: “Qəti qərara gəldikdə isə Allaha təvəkkül et!” (Ali-İmran surəsi, 159-cu ayə) Xarici işlər nazirinin müşayiəti ilə bir qrup ən təcrübəli həmkarımızla birlikdə İranın nüfuzunu və milli maraqlarını qorumaq üçün bütün imkanlardan istifadə etməyə qərarlıyıq.