گردهمایی مردمی در حمایت از «عبدالله عبدالله»
ساکنان ولایات شمال و شمال شرق افغانستان با برگزاری نشستی، «عبدالله عبدالله » رییس اجرایی دولت وحدت ملی این کشور را پیروز انتخابات ریاست جمهوری دانستند و بر حمایت از وی تاکید کردند.
به گزارش رادیو دری ، مردم ساکنان ولایات فاریاب، تخار، بلخ ، کاپیسا و پنجشیر در این گردهمایی «عبدالله عبدالله» را پیروز انتخابات ریاست جمهوری افغانستان و این پیروزی را جشن گرفتند .
در این گردهمایی ساکنان این ولایات تصاویر «عبدالله عبدالله» را با عنوان رئیس جمهور افغانستان نصب کرده اند .
"بشیر احمد ته ینچ" سخنگوی حزب جنبش ملی اسلامی افغانستان گفت، این گردهمایی به دستور ژنرال «عبدالرشید دوستم» رییس این حزب و برای جشن پیروزی «عبدالله عبدالله » برگزار شده است.
پیشتر «عبدالرشید دوستم» رییس حزب جنبش ملی اسلامی افغانستان خواستار اعتراض ضد انتخاب اشرف غنی شده بود.
کمیسیون مستقل انتخابات افغانستان روز سه شنبه بار دیگر "محمد اشرف غنی " را با کسب ۵۰/۶۴ درصد از آراء، برنده انتخابات ریاست جمهوری این کشور اعلام کرد و «عبدالله عبدالله» نیز نفر دوم شد.
«عبدالله عبدالله» پیروزی «اشرف غنی » در انتخابات ریاست جمهوری را قبول نکرده و بدنبال آن برخی احزاب افغانستان نیز از وی حمایت کرده اند.انتخابات ریاست جمهوری افغانستان 28 سپتامبر 2019 برگزار شد.
