تلاش تیم «عبدالله عبدالله» برای تشکیل کابینه در افغانستان
حوت 22, 1398 18:07 Asia/Kabul
پس از برگزاری دو مراسم تحلیف ریاست جمهوری در افغانستان (عبدالله عبدالله و محمد اشرف غنی) سخنگوی تیم عبدالله گفت: اولویت «دولت همه شمول» تشکیل کابینه است.
به گزارش رادیو دری به نقل از تسنیم، «امید میثم» سخنگوی تیم "عبدالله عبدالله" که خود را رییس جمهوری افغانستان خوانده است افزود، عبدالله پس از برگزاری مراسم سوگند، برای تشکیل کابینه و عزل و نصبهای اداری آماده میشود.
«امید میثم» گفت، دولت عبدالله عبدالله بزودی تغییراتی را در سطح ولایات آغاز خواهد کرد.
این درحالی است که اشرف غنی رییس جمهوری افغانستان پس از مراسم سوگند ریاست جمهوری سه فرمان صادر کرد.
معرفی «یوسف غضنفر» به عنوان نماینده ویژه در امور توسعه اقتصادی، تجاری و کاهش فقر همچنین آزادی زندانیان گروه طالبان و لغو ریاست اجرایی دولت وحدت ملی افغانستان از خواستههای وی بوده است.