انتقال قرقیزهای ساکن افغانستان به بیشکک
-
انتقال قرقیزهای ساکن افغانستان به بیشکک
قرقیزستان ، تاجیکستان و کمیساریای عالی پناهندگان سازمان ملل برای انتقال اقوام قرقیز ساکن افغانستان به بیشکک همکاری می‌کنند.
به گزارش رادیو دری، سفارت قرقیزستان در کابل اعلام کرد، شماری از ساکنان قرقیز از منطقه "پامیر کوچک" در افغانستان وارد روستای "قزیل رباط" در منطقه "مرغاب" در ولایت کوهستانی "بدخشان" تاجیکستان شده‌اند.
قرقیزستان به دلیل فقدان هرگونه وسیله ارتباطی در مکان‌های اقامتی قرقیزهای پامیر بزرگ و کوچک افغان و نبود امکانات از کمیساریای عالی پناهندگان سازمان ملل در آسیای مرکزی و دولت تاجیکستان خواست تا در اسکان موقت این افراد به بیشکک کمک کنند.
طالبان اخیرا اعلام کرده است که کنترل بیش از ۸۵ درصد از نواحی افغانستان را به دست آورده و نیروهای دولتی نیز پست‌های خود را ترک کرده‌اند.
وزارت دفاع افغانستان اما تمامی این گفته‌های طالبان را رد کرده است.
