مخالفت فعالان مدنی تاجیکستان با سفر عمران خان به دوشنبه

گروه های جامعه مدنی در تاجیکستان در بیانیه ای از دولت این کشور خواستند در شرایط کنونی نخست وزیر پاکستان را به دوشنبه نپذیرد.

به گزارش رادیو دری؛ در آستانه سفر عمران خان به دوشنبه، فعالان اجتماعی مدنی در تاجیکستان در اعتراض به اقدامات اخیر پاکستان علیه تاجیکان ساکن در دره پنجشیر از دولت این کشور خواستند  این سفر به زمان دیگری موکول شود.

در  بیانیه گروههای مدنی تاجیکستان تاکید شده است: دولت باید سفر عمران خان را تا زمانی که این کشور به دخالت های خود در افغانستان پایان دهد به تعویق اندازد.

در یک هفته گذشته خبرهایی منتشر شد که از حمله هوایی پاکستان علیه مخالفان دولت طالبان در پنجشیر حکایت می کرد.

حملات هوایی پاکستان علیه پنجشیر سیر تحولات این منطقه را به نفع طالبان ورق زد.

تایید حمله هوایی پاکستان به ولایت پنجشیر افغانستان از طرف «سنتکام»