همدردی تاجیکستان با مردم افغانستان در پی وقوع زلزله
سرطان 08, 1401 10:25 Asia/Kabul
وزارت امور خارجه تاجیکستان به نمایندگی از دولت این کشور با صدور بیانیهای از جان باختن و زخمی شدن تعداد زیادی از مردم در ولایت های «پکتیکا» و «خوست» ابراز تاسف کرده است.
به گزارش رادیو دری، در بیانیه وزارت امور خارجه تاجیکستان آمده است: خبر وقوع زلزله در ولایتهای «پکتیکا» و «خوست» افغانستان که منجر به کشته شدن تعداد زیادی از ساکنان این مناطق و خسارات بسیار مادی شد، موجب ناراحتی عمیق ما شد.
دولت و مردم تاجیکستان مراتب تسلیت خود را به خانوادهها، بستگان و نزدیکان قربانیان این زلزله عرض میکند و برای آسیب دیدگان آرزوی شفای عاجل دارد.