واکنش رسانه افغان به هشدار تاجیکستان درباره طالبان
خبرگزاری جمهور افغانستان در واکنش به سخنان انتقادی رئیس جمهور تاجیکستان درباره طالبان، تنها راه جلوگیری از مداخلات خارجی در امور داخلی کشور را تشکیل دولت فراگیر با مشارکت همه اقوام دانست.
امامعلی رحمان؛ رئیس جمهوری تاجیمستان پنج‌شنبه گذشته در چهارمین نشست مشورتی سران کشورهای آسیای مرکزی در قرقیزستان گفته بود طالبان برخلاف وعده، هنوز حکومت فراگیر تشکیل نداده و اوضاع افغانستان تاثیر نامطلوبی بر کشورهای همسایه گذاشته است. رئیس جمهوری تاجیکستان قبلا نیز پیشنهاد کرده بود، برای جلوگیری از خطر تهدید طالبان باید «یک کمربند امنیتی در اطراف افغانستان» ایجاد شود.
در واکنش به اظهارات رحمان خبرگزاری جمهور افغانستان اعلام کرد، تنها راه برای تنظیم روابط دوستانه افغانستان با کشورهای همسایه و نیز جلوگیری از مداخلات پیدا و پنهان برخی نیروهای خارجی، تامین مشروعیت سیاسی نظام مستقر از مسیر تشکیل یک دولت فراگیر با مشارکت واقعی و معنی دار همه اقوام و اقلیت ها است.
خبرگزاری جمهور افزود: سخنان انتقادی رییس جمهوری تاجیکستان درباره پیامدهای عدم تشکیل حکومت فراگیر از سوی طالبان، در حالی بیان می شود که پیش از این، دولتمردان طالبان، مدعی شده بودند که مشکل آنها با تاجیکستان حل شده اما این سخنان نشان می دهد که این مشکل کماکان وجود دارد و تاجیکستان از آنچه در افغانستان جریان دارد، راضی نیست.
