10 روز دیگر تاریخ برگزاری انتخابات ریاست جمهوری افغانستان اعلام می‌شود
اسد 02, 1397 11:59 Asia/Kabul
کمیسیون انتخابات افغانستان اعلام کرد که تا 10 روز دیگر تاریخ انتخابات سال آینده ریاست جمهوری افغانستان را اعلام می‌کند.
به گزارش خبرنگار رادیو دری، عبدالعزیز ابراهیمی، معاون سخنگوی کمیسیون انتخابات گفت: تا ده روز دیگر تاریخ برگزاری انتخابات ریاست جمهوری را اعلام می‌کنیم.
مسئولان کمیسیون انتخابات در حالی از مشخص کردن تاریخ برگزاری انتخابات ریاست جمهوری خبر می‌دهند که رییس جمهور افغانستان از این کمیسیون درخواست کرده بود تا تاریخ برگزاری انتخابات ریاست جمهوری را اعلام کند.
قرار است انتخابات ریاست جمهوری افغانستان در ماه حمل سال ۱۳۹۸ شمسی برگزار شود.