مسدود شدن یکی از گذرگاه‌های مرزی تاجیکستان با افغانستان
اسد 25, 1397 11:39 Asia/Kabul
تاجیکستان یکی از گذرگاه‌های مرزی خود با افغانستان را مسدود کرد.
به گزارش خبرگزاری فارس، در پی تصرف ولسوالی «دشت قلعه» و بندر «آی خانم» در ولایت تخار افغانستان توسط طالبان، تاجیکستان گذرگاه مرزی خود موسوم به «کاکل» را مسدود کرد.
طالبان چند روز پیش با حمله به بندر مهم "آی خانم" در ولایت تخار، این بندر را تحت کنترل خود در آورده بود.
بندر آی خانم، یکی از بنادر تجارتی افغانستان با تاجیکستان است که از اهمیت تاریخی و باستانی نیز برخوردار است. از طریق بندر ای خانم از سوی افغانستان به تاجیکستان برنج و روغن و از آن طرف مواد ساختمانی وارد افغانستان می شود.
بین تاجیکستان و افغانستان 6 گذرگاه مرزی وجود دارد که در حال حاضر پنج گذرگاه فعال می‌باشد.