Հայաստանի և Ադրբեջանի ԱԳ նախարարները քննարկել են երկու երկրների հարաբերությունների կարգավորման ուղիները

Հայաստանի և Ադրբեջանի արտաքին գործերի նախարարները քննարկել են երկու երկրների հարաբերությունների կարգավորման ուղիները:

Նյու Յորքում ՄԱԿ-ի Գլխավոր ասամբլեայի 76-րդ նստաշրջանի շրջանակում,  Ղարաբաղյան հակամարտության կարգավորման հարցով  ԵԱՀԿ Մինսկի խմբի համանախագահների ներկայությամբ, հանդիպել են Հայաստանի և Ադրբեջանի արտգործնախարարներ՝  Արարատ Միրզոյանը և Ջեյհուն Բայրամովը :

Հանդիպման ժամանակ հաշվի առնելով տարածաշրջանում ստեղծված նոր իրավիճակը, Հայաստանի և Ադրբեջանի ԱԳ նախարարները  մտքեր են փոխանակել երկու երկրի հարաբերությունների կարգավորման գործընթացի շուրջ:

ԵԱՀԿ Մինսկի խմբի համանախագահները Հայաստանի և Ադրբեջանի արտաքին գործերի նախարարների հետ հանդիպումներից հետո հանդես են եկել հայտարարությամբ, որում  Երևանին և Բաքվին  առաջարկել են հատուկ թիրախային միջոցներ՝ դեէսկալյացիայի նպատակով, ինչպես նաև հնարավոր հետագա քայլերը: