ՀՀ պաշտպանության նախկին նախարար Դավիթ Տոնոյանն իրեն առաջադրված մեղադրանքը չի ընդունում

Պաշտպանության նախկին նախարար Դավիթ Տոնոյանն իրեն առաջադրված մեղադրանքը չի ընդունում։ Այս մասին լրագրողներին ասաց Տոնոյանի փաստաբան Սերգեյ Հովհաննիսյանը։

«Պարոն Տոնոյանն առաջադրված մեղադրանքում իրեն մեղավոր չի ճանաչում»,- նշեց նա։

Երևանի ընդհանուր իրավասության դատարանը քննում է Դավիթ Տոնոյանին կալանավորելու ԱԱԾ միջնորդությունը։ Ավելի վաղ ԱԱԾ-ն հայտնել էր, որ առանձնապես խոշոր չափերի հափշտակություն կատարելու կասկածանքով Դավիթ Տոնոյանը ձերբակալվել է։ Քրեական գործը հարուցված է ՀՀ ՊՆ և զինված ուժերի բարձրաստիճան պաշտոնատար անձանց կողմից պաշտոնեական լիազորությունները չարաշահելու և պաշտոնեական կեղծիքներ կատարելու դեպքի առթիվ։