Ոստիկանները Երևանում հակառուսական ակցիայի մի քանի մասնակիցների բերման են ենթարկել

Երևանի Ազատության հրապարակում ոստիկանները բերման են ենթարկել հակառուսական ցույցի մի քանի մասնակիցների:

Ինչպես դեպքի վայրից հայտնում է Sputnik Արմենիայի թղթակիցը, այն ակտիվիստները, որոնց ձեռքին եղել են անպարկեշտ արտահայտություններով պաստառներ, բերման են ենթարկվել ոստիկանության բաժին։

Բերման ենթարկվածների թվում է նաև ռուս բլոգեր Ալեքսեյ Ռոմանովը, որը 2018 թվականին ակտիվորեն լուսաբանում էր «թավշյա հեղափոխությունը» և հետհեղափոխական շրջանը։

Երևանի Ազատության հրապարակից բերման ենթարկվածների թվում են նաև հանրահավաքի կազմակերպիչ, համակարգող Յուրի Ալեքսեևը և ակտիվիստ Օլեգ Ռուսակովը։ Հենց Ալեքսեևին էլ Երևանի քաղաքապետարանը թույլատրել է հանրահավաք և երթ անցկացնել։

Առայժմ պարզ չէ՝ առանց կազմակերպիչների մնացած ակտիվիստները կշարունակե՞ն երթը, թե՞ կցրվեն։

armeniasputnik.am