Մոսկվային մտահոգում է այն փաստը, որ Հայաստանը հայացքն ուղղել է դեպի Արևմուտք
Վերջին ամիսներին Հայաստանը շրջվել է դեպի Արևմոտք: Օրերս ՀՀ ՊՆ-ն հայտարարել է ԱՄՆ-ի հետ համատեղ զորավարժությունների անցկացման մասին: Արձագանքելով այդ հայտարարությանը, Կրեմլի Խոսնակ Դմիտրի Պեսկովը նշել է, որ Մոսկվայում ուշադրությամբ հետևում են այս զարգացումներին:
Asr Iran կայքը, հղում անելով ՀՀ ՊՆ-ին, հայտնում է. «Միջազգային Խաղաղապահ առաքելություններում մասնակցության նախապատրաստման շրջանակում սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, կանցկացվի «ԱՐԾԻՎ ԳՈՐԾԸՆԿԵՐ-2023» հայ-ամերիկյան համատեղ զորավարժությունը։ Զորավարժությունը ենթադրում է խաղաղապահ առաջադրանքների ընթացքում հակամարտող կողմերի միջև կայունացման գործողություններ»։
Այս տարվա սկզբին Հայաստանը հրաժարվեց ընդունել ՀԱՊԿ զորավարժությունները, ինչը վկայում է Երևանի և Մոսկվայի միջև աճող լարվածության մասին:
Ռուսաստանն ունի ռազմաբազա Հայաստանում և իրեն համարում է Հարավային Կովկասի տարածաշրջանում գերակա ուժը: Ռուսաստանը նաև խաղաղապահ ուժեր է պահպանում տարածաշրջանում, հրադադարի համաձայնագրի շրջանակում, որը վերջ դրեց 2020 թվականին Հայաստանի և Ադրբեջանի միջև 44-օրյա պատերազմին։
Սակայն Նիկոլ Փաշինյանը իտալական թերթերից մեկին տված իր վերջին հարցազրույցում ասել է, որ Ռուսաստանը չի կարողացել պաշտպանել Հայաստանը «նավթով հարուստ Ադրբեջանի կողմից շարունակվող ագրեսիայից»:
Նա հավելել է, որ Ուկրաինայում պատերազմի պատճառով Մոսկվան չի կարողանում բավարարել Հայաստանի անվտանգության կարիքները։
Վերջին ամիսներին ՀՀ վարչապետը բազմիցս մեղադրանքներ է հնչեցրել ռուս խաղաղապահների հասցեին՝ նրանց մեղադրելով Հայաստանն ու Լեռնային Ղարաբաղը կապող Լաչինի միջանցքոց ազատ անցումը չապահովելու մեջ։
Արդեն 8 ամիս Ադրբեջանը շրջափակման մեջ է պահում Լեռնային Ղարաբաղի տարածաշրջանը, և միջազգային կառույցները մտահոգություն են հայտնում Բաքվի կառավարության կողմից ղարաբաղաբանակ հայերի դեմ իրականացվող լուռ ցեղասպանության կապակցությամբ։
Դժվար է կանխատեսել դեպի Արևմուտք Հայաստանի շրջադարձի արդյունքները, բայց միանշանակ կարելի է ասել, որ Ռուսաստանը չի լռի և թույլ չի տա, որ Երևանն այդքան հեշտությամբ հայտնվի ԱՄՆ-ի գրկում և ՆԱՏՕ-ն ևս մեկ քայլով մոտենա։
