ՌԴ-ում ՀՀ դեսպանը կանչվել է ԱԳՆ․ նրան բողոքի նոտա է հանձնվել

ՌԴ-ում ՀՀ դեսպանը կանչվել է ԱԳՆ: Նրան բողոքի նոտա է հանձնվել Ազգային ժողովի նախագահ Սիմոնյանի՝ ՌԴ ԱԳՆ պաշտոնական ներկայացուցիչ Զախարովայի հասցեին հնչեցրած արտահայտությունների համար, այդ մասին հայտնում են ՌԴ ԱԳՆ-ի մամուլի ծառայությունից:

Հայաստանի դեսպանը տեղեկացվել է սեպտեմբերի 7-ին Հայաստանում բլոգեր Բադալյանի և Sputnik Արմենիայի ռադիոյի սյունակագիր Գևորգյանի ձերբակալության մասին։

Մասնավորապես, ՌԴ ԱԳՆ-ը ուշադրություն է հրավիրել ԱԺ-ում Հռոմի կանոնադրության վավերացման գործընթացին, վարչապետի տիկնոջ՝ Աննա Հակոբյանի Կիև մարդասիրական օգնության փոխանցմանը, հայ-ամերիկյան զորավարժությունների անցկացմանը։

Ռուսաստանն ու Հայաստանը մնում են դաշնակիցներ, հարաբերությունների զարգացման շուրջ պայմանավորվածությունները կկատարվեն ի շահ երկու ժողովուրդների։ Սա, ի թիվս այլ հարցերի, վերաբերում է ՀԱՊԿ զորավարժությունների կազմակերպմանը և հետագայում հայ-ադրբեջանական հարաբերությունների կարգավորման համար կազմակերպության՝ Հայաստան դիտորդական առաքելություն ուղարկելուն,- ասվում է հաղորդագրության մեջ։

24news.am