Մեկնաբանություն- « «ՆԱՎԱՍԱՐԴ»  փառատոնը Իրանի և Հայաստանի միջև մշակութային հարաբերությունների ամրապնդման գրավիչ միջոցառում

Օգոստոսի 10-ին Սյունիքի մարզի Սիսիան քաղաքում մեկնարկած և արդեն ավանդույթ դարձած «Նավասարդ»-ը՝ հայ-իրանական մշակութային և խոհարարական երրորդ փառատոնը, այսօր երեքշաբթի՝ ավարտեց իր աշխատանքը։

Այս փառատոնն անցկացվել է Իրանի և Հայաստանի միջև մշակութային հարաբերությունների զարգացման և ամրապնդման նպատակով։

Փառատոնի այս շրջանում  խիստ ուշագրավ էր իրանական սննդի և հագուստի ոլորտում  Խուզեստան նահանգի 25 արվեստագետների և ակտիվիստների ներկայությունը։ Ինչպես նաև, Իրանի փահլավանի մարզաձեւի ֆեդերացիայի ղեկավարի գլխավորությամբ ավանդական և փահլավանի մարզաձևի  հավաքականի պատանիների ներկայությունն այս երրորդ փառատոնին մյուս գրավչություններից էր։

Այս փառատոնի մյուս առանձնահատկություններից կարելի է նշել Սպահան, Թեհրան, Քաշան և Արևելյան Ատրպատական  նահանգների խոհարարների և այլ արվեստագետների ներկայությունը:

Սյունիքի մարզի Սիսիան քաղաքում տեղի ունեցած  «Նավասարդ»-ը՝ հայ-Իրանական մշակութային-խոհանոցային փառատոնի ընթացքում մասնակից հայկական և իրանական թիմերը  մրցել են՝ իրենց տաղավարներում պատրաստելով և ներկայացնելով երկու երկրների ազգային խոհանոցի բազմազանությունն ու պատմությունը,  նաև ներկայացվել են երկու երկրների մշակույթը, արվեստն ու արհեստը։

«Նավասարդ» փառատոնի կարևոր իրադարձություններից էր նաև Համեդան նահանգի «Հեգմաթանե» երաժշտական ​​խմբի ելույթը, որը զբոսաշրջիկներին հրավիրեց ունկնդրելու իրանցի հայտնի բանաստեղծներ Ռումիի և Հաֆեզի ստեղծագործությունները:

Սննդի փառատոնին  զբոսաշրջիկներին Իրանի տարբեր նահանգների  արվեստին ծանոթացնելուն զուգահեռ,  այս փառատոնում անցկացվել է նաև Իրանի ձեռագործ աշխատանքների ցուցահանդեսը, և այս համատեքստում  այս փառատոնում ակտիվ էր Հայաստանում մշակութային կցորդության տաղավարը՝ նպատակ ունենալով զբոսաշրջիկներին ներկայացնել Իրանի ձեռարվեստն ու զբոսաշրջային վայրերը։ Ուստի իրանական գրականության, պատմության, քաղաքակրթության և պարսկերենի մասին գրքերի ներկայացմամբ  Իրանի  զբոսաշրջային վայրերի ներկայացումը արժանացավ այցելուների հատուկ ուշադրությանը։

Այս փառատոնի մեկ այլ հետաքրքիր  և ուշագրավ կետը՝ այցելուների, հատկապես երիտասարդների  լուսանկարվելն էր լուսահոգի առաջնորդ Իմամ Խոմեյնիի  և Իրանի իսլամական հեղափոխության առաջնորդ Իմամ Խամենեիի  լուսանկարների կողքին:

Այս տարի, 24 տաղավար ավելացնելով, ՀՀ կառավարությունը իրանցի նկարիչների տաղավարների թիվը հասցրեց 40-ի, ինչը վկայում է զբոսաշրջիկների ջերմ ընդունելության, իրանցի նկարիչների հետաքրքրության և այս միջոցառմանը Իրանի ձեռարվեստի և այլ արվեստի գործերի ներգրավվածության նկատմամբ Հայաստանի կառավարության  մեծ ցանկության մասին; Սա այն դեպքում, երբ «Նավասարդ»  փառատոնի առաջին շրջանում իրանական տաղավարների թիվը 6 էր։

Երևանի Հայոց պատմության թանգարանում տեղի ունեցավ Իրանի և Հայաստանի միջև զբոսաշրջության զարգացման և ամրապնդման ուղիներին նվիրված համաժողովի նիստը, որին մասնակցել էին Իրանի Իսլամական Հանրապետության դեսպանը  և դեսպանության մշակութային խորհրդականը,  Տուրիզմի Հայկական Ֆեդերացիայի նախագահը  և այս երկրի զբոսաշրջության ոլորտի  ակտիվիստները։ Այս հանդիպումը հայ-իրանական մշակութային-խոհանոցային  փառատոնի եզրափակիչ փուլն էր։ 

Այս միջոցառման բացման արարողության ժամանակ Իրանի դեսպանի տեղակալ՝ Թահերին ասել է-Երևանում Իրանի Իսլամական Հանրապետության դեսպանությունը մշտապես մշակութային գործունեություն է ծավալում, որը խորացնում է երկու բարեկամ և եղբայրական երկրների հարաբերությունները։

Ողջունելով Սիսիան քաղաքի և Իրանի քաղաքներից մեկի միջև քույրության առաջարկը՝ նա ասել է,- Նավասարդ փառատոնը հարմար հարթակ է զբոսաշրջության արդյունաբերության զարգացման համար։

Նշենք, որ  Նավասարդը, Հայկական տոմարի առաջին ամիսն է։  Կազմված է «նավ» (նոր) և «սարդ» (տարի) բառերից և նշանակում է «նոր տարի»։ Անցյալում եղել է  Իրանի և Հայաստանի նոր տարվա անվանումը։  Հին հայերի համար Նավասարդի 1-ը (օգոստոսի 11-ը) եղել է ժողովրդական խրախճանքների տոն։ Ներկայումս Հայաստանը   վերականգնելով այս ավանդույթը,  այս փառատոնում աշխարհին ներկայացնում է Իրանի և Հայաստանի մշակութային ընդհանրությունները։