Իրանը դատապարտել է Տաջիկստանում մահապարտ ԱԹՍ-ով իրականացված հարձակումը

Իրանի ԱԳՆ խոսնակը դատապարտել է Տաջիկստանի Խոտլան նահանգում տեղի ունեցած ահաբեկչական հարձակումը, որի հետևանքով զոհվել են երկրում աշխատող չինացի քաղաքացիներ։

Էսմայիլ Բաղային դատապարտել է Տաջիկստանի Խոտլան նահանգի Շամսուդդին Շահին շրջանում տեղի ունեցած ահաբեկչական հարձակումը, որի հետևանքով զոհվել են երկրում աշխատող երեք չինացի քաղաքացիներ, և ցավակցություն է հայտնել զոհերի ընտանիքներին և համերաշխություն հայտնել Տաջիկստանի և Չինաստանի կառավարություններին։ 
Անդրադառնալով ահաբեկչության բոլոր ձևերն ու դրսևորումները խստորեն դատապարտելու ԻԻՀ սկզբունքային դիրքորոշմանը՝ Բաղային ընդգծել է ահաբեկչության կանխարգելման և դրա դեմ պայքարի համար բազմակողմանի համագործակցության ամրապնդման անհրաժեշտությունը։