Իրանը անպտղության բուժման ոլորտում աշխարհի լավագույն 10 երկրների շարքում է

Pars Today - Իրանի անպտղության և պտղաբերության գիտական ​​ասոցիացիայի ղեկավարը հայտարարել է, որ երկիրը անպտղության բուժման ոլորտում աշխարհի լավագույն 10 երկրների շարքում է։

Իրանի անպտղության և պտղաբերության գիտական ​​ասոցիացիայի ղեկավար Համիդ Չուբինեն հայտարարելով որ Իրանը անպտղության բուժման ոլորտում աշխարհի լավագույն 10 երկրներից մեկն է ասաց. «Իրանը շատ լավ մակարդակի վրա է անպտղության համար օժանդակ վերարտադրողական տեխնիկայի առկայության առումով և լիովին  պատրաստ է գիտականորեն լուծել այդ խնդիրները»։

Ըստ Pars Today-ի՝ Չուբինեն նշելով որ զարգացած երկրներում տարածված բոլոր օժանդակ վերարտադրողական մեթոդները հասանելի են նաև Իրանում՝ հավելեց. «Այս դիրքորոշումը ակնհայտ է թե՛ գիտության արտադրության, թե՛ արտասահմանցի հիվանդների Իրան այցելելու պատրաստակամության մեջ»։

Նա նշեց. «Մոտ մեկ տասնամյակ առաջ Իտալիայի Սենատի փոխնախագահը անդրադարձավ եվրոպացի անպտուղ զույգերին Իրան բերելու ցանկությանը՝ նշելով որակավորված բժիշկների առկայությունը, բուժման գիտական ​​հիմնավորվածությունը, ցածր գները, զբոսաշրջային գրավչությունները և երկար հերթերի բացակայությունը»։

Չուբինեն հավելեց. «Բարեբախտաբար, Իրանում անպտղության բուժման ծառայությունների պակաս չկա, և սպառվող ապրանքների մեծ մասը արտադրվում է տեղական հնարավորություններով, և հիվանդները միշտ կարողացել են օգտագործել աշխարհի ամենաժամանակակից մեթոդները»։