Ռուսաստանը զգուշացնում է ԱՄՆ-ին Իրանի դեմ ցանկացած ռազմական արկածախնդրության կապակցությամբ

ՌԴ ԱԳՆ-ն երեքշաբթի օրը զգուշացրել է Միացյալ Նահանգներին՝ խուսափել Իրանի դեմ ցանկացած հնարավոր ռազմական արկածախնդրությունից։ Նախարարությունը հայտարարել է, որ ԱՄՆ-ի կողմից Իրանի վրա հարձակվելու սպառնալիքներըընդունելի չեն։

 Նախարարությունը նաև դատապարտել է Իրանի ներքին գործերին ցանկացած արտաքին միջամտություն և հայտարարել. «Իրանի նկատմամբ թշնամաբար տրամադրված արտաքին ուժերը փորձում են վնասել երկրին՝ օգտագործելով գունավոր հեղափոխության մեթոդները»։ 
ԻԻՀ ԱԳ նախարար Աբբաս Արաղչին երկուշաբթի օրն արձագանքելով Դոնալդ Թրամփի սպառնալիքներին, հայտարարել է, որ Իրանը պատրաստ է բոլոր տարբերակներին, բայց հույս ունի, որ Վաշինգտոնը կընտրի իմաստուն ուղի։