Իրանի խորհրդարան․Եվրոպական երկրների ռազմական կցորդները պետք է լքեն Իրանը
Իրանի Իսլամական խորհրդարանի Ազգային անվտանգության հանձնաժողովը նամակ է ուղարկել Արտաքին գործերի նախարարությանը՝ շեշտելով Եվրամիության անդամ բոլոր երկրների ռազմական կցորդներին որպես ահաբեկիչ ճանաչելու և նրանց Իրանի Իսլամական Հանրապետության տարածքից արտաքսելու անհրաժեշտությունը։
Օրերս Եվրամիության արտաքին գործերի նախարարները քաղաքական և անօրինական քայլի շրջանակում Իրանի Իսլամական հեղափոխության պահապանների կորպուսը (ԻՀՊԿ), որը համարվում է Իրանի պաշտոնական ռազմական կառույց, ներառել են այսպես կոչված ահաբեկչական կազմակերպությունների ցուցակում։ Այս քայլը միջազգային ասպարեզում առաջացրել է բազմաթիվ արձագանքներ և բախվել Իրանի Իսլամական Հանրապետության վճռական պատասխանին։
Իրանի Իսլամական խորհրդարանի նախագահ Մոհամմադ Բաղեր Ղալիբաֆը, դատապարտելով ԻՀՊԿ-ին անհիմն մեղադրանքներ ներկայացնելու Եվրամիության անպատասխանատու քայլը, Ազգային անվտանգության և արտաքին քաղաքականության հանձնաժողովին հանձնարարել է 2019 թ. ապրիլի 29-ին ընդունված որոշման համաձայն, հետևել ԱՄՆ-ի կողմից Իսլամական հեղափոխության պահապանների կորպուսը որպես «ահաբեկչական կազմակերպություն» ճանաչելու դեմ փոխադարձ քայլի մասին» օրենքի 7-րդ հոդվածի իրականացմանը և ԻՀՊԿ-ն ահաբեկչական կազմակերպություն ճանաչելու դիմաց եվրոպական երկրների բանակները ճանաչել ահաբեկչական խմբավորումներ։