Իրանը դատապարտել է ԱՄՆ-ի Փենսիլվանիա նահանգում սինագոգի վրա կատարված հարձակումը
Արձագանքելով ԱՄՆ Փենսիլվանիա նահանգի Փիթսբուրգ քաղաքում գտնվող սինագոգի վրա իրականացված հարձակմանը, Իրանի ԱԳ նախարարն ընդգծել է.«Ծայրահեղականությունն ու ահաբեկչությունը, կրոն ու ռասա չեն ճանաչում և ամեն դեպքում պետք է դատապարտել դրանք»:
Մոհամմեդ Ջավադ Զարիֆը շաբաթ օրը Twitter-ի իր էջում դատարպարտելով ԱՄՆ-ի Փենսիլվանիա նահանգում սինագոգի վրա իրականացված հարձակումը, գրել է.«Աշխարհը չպետք է հարկադրված լինի ապրել զինված ամբոխավարության լծի տակ»:
Իրանի ԱԳ նախարարը ցավակցություն է հայտնել հարձակման հետևանքով զոհերի հարազատներին:
Շաբաթ երեկոյան ԱՄՆ-ի Փենսիլվանիա նահանգում սինագոգի վրա իրականացված հարձակման հետևանքով զոհվել է 14 և վիրավորվել 12 մարդ:
Հարձակման հեղինակը 48-ամյա Ռոբերտ Բոյերզն է:Նա ձերբակալված է և մեղադրվում է 29 հանցագործության մեջ:
Նախնական քննության արդյունքում պարզվել է, որ նա ունի զենք պահելու և կրելու թույլտվություն:
