Զարիֆ. «ԱՄՆ-ում ժողովրդի խնդիրների անտեսումն ու բողոքարարներին ճնշելը դատապարտելի է»
Իրանի արտգործնախարարը դատապարտել է ժողովրդի խնդիրներն անտեսելու, բողոքարարներին հալածելու և կալանավորելու ԱՄՆ-ի կառավարության քաղաքականությունը:
Իրանի արտգործնախարար Մուհամմադ Ջավադ Զարիֆը նշել է, որ ԱՄՆ-ի կառավարությունն Ասիայում, Աֆրիկայում և Լատինական Ամերիկայում արկածախնդրության դիմելով, բռնապետական իշխանություններին հովանավորելով, միջուկային զենքերի համար գումարներ ծախսելով, վատնում է իր ժողովրդի ռեսուրսները և ցավ պատճառում ամերիկացիներին:
Նշելով, որ չպետք է զարմանալ ԱՄՆ-ում բողոքների շարունակման կապակցությամբ, Զարիֆն ասել է.«ԱՄՆ-ի ժողովուրդն իր երկրի ղեկավարներից ուզում է, որ իրենք էլ մաս ունենան երկրի հարստությունից և ունենան իրենց իրավունքները»:
Զարիֆն ասել է.«ԱՄՆ-ի ժողովուրդը հոգնել է ռասիզմից, անարդարությունից և իր երկրի ղեկավարության անարժանությունից և աշխարհըպետք է լսի նրանց ձայնը»:
Սպիտակամորթ սպայի կողմից ամերիկացի սևամորթի դաժան սպանությունից հետո, ԱՄՆ-ի տարբեր քաղաքներում բողոքի ցույցեր են անցկացվում:
