Ղալիբաֆ. Խորհրդարանների օրենսդրական նպատակը պետք է լինի պատժամիջոցների կանխումը
Իրանի իսլամական խորհրդարանի նախագահն Ասիայի խորհրդարանական վեհաժողովի վիրտուալ նստաշրջանում ասել է. «Հետկորոնավիրուսային ժամանակաշրջանում խորհրդարանական օրենսդրության հիմնական առանցքը պետք է լինի ճնշող պատժամիջոցների կանխարգելումը»:
Ասիայի խորհրդարանական վեհաժողովի առաջին վիրտուալ նստաշրջանում, Մոհամեդ Բաղեր Ղալիբաֆն ընդգծելով խորհրդարանների դերի կարևորությունը և օրենսդիր մարմնի փոխգործակցությունը, հստակեցրել է.«Խորհրդարանական տնտեսական դիվանագիտությունը և դրա դերը ասիական խորհրդարանների անդամների միջև տնտեսական բարգավաճման խթանման գործում, մեր նպատակներն են»:
Անդրադառնալով Իրանի ժողովրդի համար կորոնավիրուսի պանդեմիայի հետևանքով ստեղծված դժվարություններին, Ղալիբաֆն ասել է.«Չնայած Իրանի դեմ սահմանված ԱՄՆ-ի տնտեսական պատժամիջոցները վերացնելու կամ կրճատելուն ուղղված ճնշումներին և միջազգային կազմակերպությունների կոչերին, կորոնավիրուսի ճգնաժամի պայմաններում շարունակում է աճել առավելագույն ճնշման Վաշինգտոնի քաղաքականությունը»:
Ղալիբաֆը ցավ է հայտնել Սիոնիստական ռեժիմի ծավալապաշտական քաղաքականության վերաբերյալ և հայտարարել, որ Իրանի իսլամական խորհրդարանը, պաշտպանելով պաղեստինցիների իրավունքները և դատապարտելով Իսրայելի ռեժիմի անմարդկային և անօրինական մտադրությունները, կոչ է անում միջազգային կազմակերպություններին և հատկապես Ասիայի խորհրդարանական վեհաժողովին, օգտագործել խորհրդարանական բոլոր մեխանիզմները անհապաղ դադարեցնելու Սիոնիստական ռեժիմի օկուպանտ և ծավալապաշտական քաղաքականությունները:
