Խաթիբզադե. ԱՄՆ-ի՝ ՀԳՀԾ վերադառնալու համար բանակցությունների կարիք չկա
Իրանի ԱԳ նախարարության խոսնակն ասել է.«ԱՄՆ-ի՝ ՀԳՀԾ վերադառնալու համար բանակցությունների կարիք չկա և ԱՄՆ-ն է, որ միակողմանիորեն դուրս է եկել այս համաձայնությունից»:
Ալ-Ջազիրա ալիքին տված հարցազրույցում, Իրանի ԱԳՆ խոսնակ Սաիդ Խաթիբզադեն, իր կարծիքն է հայտնել տարբեր, այդ թվում՝ միջուկային համաձայնության ու տարածաշրջանային խնդիրների կապակցությամբ:
Խաթիբզադեն նախ անդրադարձել է միջուկային համաձայնության խնդրին և ասել, որ Վաշինգտոնի ու եվրոպական երկրների կողմից հանձնառությունների իրագործման դեպքում, Իրանը նույնպես կվերադառնա ՀԳՀԾ-ի լիարժեք գործադրմանը և Վաշինգտոնի՝ միջուկային համաձայնություն վերադառնալու համար բանակցությունների կարիք չկա»:
Նա շեշտել է.«Միջուկային խնդրի կարգավորման լավագույն ելքը դիվանագիտական լուծումն է և Իրանը կպատասխանի ցանկացած նախաձեռնության: Նախ ԱՄՆ-ն պետք է վերադառնա ՀԳՀԾ և դրանից հետո կարող է մասնակցել բանակցությունների»:
Շարունակելով խոսքը, Խաթիբզադեն անդրադարձել է տարածաշրջանային հարցերին: Նա նախ անդրադարձել է Իրաքում տեղի ունեցած հրթիռակոծություններին և նշել. «Այս հարձակումները կասկածելի են և որոշ փաստեր վկայում են դրանցում Սիոնիստական ռեժիմի մասնակցության մասին»:
