Իրանական բարբարի հացը իր ուրույն տեղն է գրավել Ղազախստանի ժողովրդի սեղանին

Ղազախստանում իրանական բարբարի հացը առաջին անգամ կարողացավ գրավել այս երկրի բնակչության ուշադրությունը:

Ինչպես հաղորդում է Իրանի ռադիոհեռուստատեսության լրատվական գործակալությունը, Ղազախստանում բարբարի հացի հիմնադիր՝ Ղավանեշ Բեյգ Ղարին ասել է.«Տարիներ Իրանում ապրելուց հետո որոշեցի իրանական այս հայտնի հացը թխել իմ երկրում»:

Ղազախ գործարարի խոսքերով՝ Ղազախստանում  թխում են եվրոպական, ուզբեկական ու թուրքական տարատեսակ հացեր, սակայն այս երկրի ժողովուրդը հատուկ ուշադրություն է ցուցաբերում Իրանի  բարբարի հացին:

Հաղորդման համաձայն՝ թեև ամբողջ աշխարհում հացը յուրաքանչյուր տարածաշրջանի սովորույթների ու ավանդույթների հետ կապված սննդամթերք է, սակայն իրանական բարբարի հացը իր ուրույն տեղն է զբաղեցրել Ղազախ ժողովրդի սեղանին: