Իրան. Աֆղանստանում ստեղծված բարդ իրավիճակի հիմնական պատճառն ամերիկացիներն են
Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի արտաքին հարաբերությունների հանձնաժողովի ղեկավարն անդրադառնալով Աֆղանստանում ստեղծված ճգնաժամին, հայտարարել է. «Աֆղանստանում ստեղծված բարդ իրավիճակի հիմնական պատճառն ամերիկացիներն են»:
Կիրակի օրն անդրադառնալով Թալիբանի հենակետերի ուղղությամբ ԱՄՆ-ի իրականացրած ավիահարվածներին, Աբաս Գոլռուն ասել է. «ԱՄՆ -ն ոչ մի տեղ հստակ քաղաքականություն չի վարում և հետևում է երկակի քաղաքականության»:
Նա հավելել է. «Թալիբների հետ ԱՄՆ -ի մի քանի տարվա անպտուղ բանակցությունները ցույց տվեցին, որ կա՛մ ԱՄՆ -ը չի հասկացել թե որն է աֆղան ժողովրդի շահը, կա՛մ ի վիճակի չէ բավարարել թալիբների պահանջները»:
Գոլռուն նշել է, որ չնայած ԱՄՆ -ի ուժերի դուրսբերումը հաղթանակ էր աֆղան ժողովրդի համար, սակայն ամերիկացիները ցանկանում են Աֆղանստանը վերածել ճահճի և մարտահրավեր նետել նաև հարևան մյուս երկրներին:
«ԱՄՆ -ի վերջին հարձակումը բացահայտ խաղ է: Ննրանք կարող են նույնը անել Աֆղանստանի կառավարության դեմ, ինչպես Սիրիայում», - հավելել է նա:
