Իրանն արձագանքել է Քաբուլի օդանավակայանում տեղի ունեցած ահաբեկչական պայթյունին
Իրանի արտաքին գործերի նախարարության խոսնակը դատապարտել է Քաբուլում տեղի ունեցած ահաբեկչությունը:
Իրանի ԱԳՆ խոսնակ Սաիդ Խաթիբզադեն դատապարտել է Աֆղանստանի անպաշտպան ժողովրդի դեմ ուղղված ցանկացած տեսակի ահաբեկչական գործողություն, որի թիրախում հայտնվում են կանայք, տղամարդիկ, երիտասարդները և անչափահասները:
Խաթիբզադեն հույս է հայտնել, որ Քաբուլում հնարավորինս շուտ կձևավորվի համապարփակ կառավարություն և պատասխանատու կառույցները պատասխանատվություն կստանձնեն մարդկանց կյանքի և ունեցվածքի պաշտպանության համար:
Հինգշաբթի երեկոյան Քաբուլի օդանավակայանի և Բարոն հյուրանոցում տեղի ունեցած երկու հզոր պայթյունների հետևանքով, զոհվել է առնվազն 103 մարդ, 150 -ը վիրավորվել են:
ԻԼԻՊ ահաբեկչական խմբավորումը ստանձնել է հինգշաբթի օրը Քաբուլի օդանավակայանում տեղի ունեցած ահաբեկչությունների պատասխանատվությունը:
