Իրանն ամենուր Իսրայելին պատասխանելու իրավունք ունի
Կովկասագետի խոսքով՝ Իրանն ամենուր Իսրայելին պատասխանելու իրավունք ունի:
Կովկասագետ Բորհան Հեշմաթին Իրանի «Սահար» հեռուստաալիքի ծրագրերից մեկի եթերում պատասխանելով այն հարցին, թե արդյոք Իրանն իրավունք ունի քննադատել Իսրայելի հետ Ադրբեջանի համագործակցությունն ասել է.«Նախ պետք է ուշադրություն դարձնել այն հարցին, որ Ադրբեջանի Հանրապետությունում Իսրայելի ներկայությունն ըստ սիոնիստների, ուղղված է Իրանի դեմ և դա կարելի է նկատել Բաքվում Իսրայելի դեսպանի հայտարարություններում: Ընդ որում, նույնիսկ «Ենի Մուսավաթ» թերթն է քննադատել Բաքվին՝ Իսրայելի հակաիրանական ծրագրի մի մասը դառնալու համար»:
Կովկասագետ Հեշմաթին հավելել է.«Ուրեմն այդ ներկայությունն ուղղված է Իրանի դեմ: Իրանն ամենուր (այդ թվում Բաքվում), Իսրայելին պատասխանելու իրավունք ունի»:
Հարկ է նշել, որ երկրի հյուսիսարևմտյան սահմաններին Իրանի բանակի վերջերս անցկացրած զորավարժության նպատակն Իրանի սահմանների մոտ, Ադրբեջանում, Իսրայելի ներկայությանն արձագանքելն էր: Բաքվի պաշտոնյաներն քննադատել են Իրանի այս քայլը: Իրանը նախազգուշացրել է, որ չի հանդուրժելու տարածաշրջանում տարաձայնություններ սերմանելու չարությունները և սահմանները փոխելու փորձերը: