Ամիր Աբդոլլահյան. ԱՄՆ -ի հայտարարությունները չափանիշ չեն Իրանի՝ ՀԳՀԾ վերադառնալու համար
Բեյրութ այցելած Իրանի արտգործնախարարն ասել է.«Եթե մյուս կողմից իրական մտադրություն լինի, և նրանք բոլորը վերադառնան ՀԳՀԾ-ի պարտավորություններին, Թեհրանը կվերադառնա իր պարտավորություններին ՀԳՀԾ-ում»:
Նա ասել է «Իսկ ԱՄՆ -ի բանավոր ուղերձները և եվրոպական երեք երկրների անգործուն պնդումները չափանիշ չեն ԻԻՀ բանակցություններին վերադառնալու համար»:
Հինգշաբթի օրը Հոսեյն Ամիր Աբդոլլահյանը Լիբանանի իր գործընկեր Աբդուլլահ Բուհբիբի հետ համատեղ մամուլի ասուլիսում միջուկային բանակցությունների և բանակցություններին Իրանի վերադարձի պայմանների մասին ասել է.«Մենք կարծում ենք, որ բանակցությունները, որոնք ծառայում են ժողովրդի իրավունքներին և շահերին, հետաքրքրում են Իրանին»:
Նա շեշտել է. «Մենք որոշում ենք կայացնում և գործում ենք, հիմնվելով մյուս կողմերի գործնական քայլերի, ներառյալ պատժամիջոցների չեղարկման և իրենց պարտավորություններին վերադարձի վրա»:
Ամիր Աբդոլլահյանն ընդգծել է.«Միջուկային գործարքում Իրանը միակ երկիրն է, որը մինչև վերջին պահը հավատարիմ է մնացել իր ստանձնած պարտավորություններին, և մենք այս մեթոդը կվերակենդանացնենք ՄԱԳԱՏԷ -ի փոխադարձ գործողությունների դեպքում»:
Նա հայտարարել է Լիբանանին օգնելու Իրանի պատրաստակամության մասին:
Այսօր Ամիր Աբդոլլահյանը հանդիպել է Լիբանանի նախագահի, խորհրդարանի նախագահի և վարչապետի հետ: