Ամիր Աբդոլլահյանն Իսլամաբադում հանդիպել է Պաղեստինի ԱԳ նախարարի հետ

ԻԻՀ ԱԳ նախարարը Պաղեստինի ԱԳ նախարարի հետ հանդիպման ժամանակ ընդգծել է Իրանի աջակցությունը Պաղեստինի ժողովրդի և Սրբազան Երուսաղեմի ազատագրմանը:

Fars News լրատվական գործակալության հաղորդման համաձայն, Իսլամաբադում կայացած Իսլամական համագործակցության կազմակերպության արտգործնախարարների 17-րդ արտակարգ հանդիպման շրջանակում, Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահյանը հանդիպել է Պաղեստինի ԱԳ նախարար Ռիադ ալ-Մալեքիի հետ:

Ամիր Աբդոլլահյանն ընդգծել է Պաղեստինի ժողովրդին և սրբազան Երուսաղեմի  ազատագրմանն ԻԻՀ աջակցությունը և դատապարտել գրավյալ տարածքներում Սիոնիստական ​​ռեժիմի հանցագործությունների շարունակվելը։

ՄԱԿ-ում Պաղեստինի ներկայացուցիչ Ռիադ Մանսուրն Անվտանգության խորհրդին և ՄԱԿ-ի գլխավոր քարտուղար Անտոնիո Գուտերեշին ուղղված առանձին նամակներում հայտարարել է, որ վերջին օրերին սիոնիստների հարձակումներն ավելացել են:

Ռիադ Մանսուրը հայտարարել է, որ նամակում Անվտանգության խորհրդին և ՄԱԿ-ին կոչ է արվել իրականացնել ՄԱԿ-ի Գլխավոր ասամբլեայի որոշումը՝ Պաղեստինի ժողովրդին միջազգային աջակցություն ցուցաբերելու համար։