Կատարի արտգործնախարարը հանդիպել է Ամիր Աբդոլլահյանի հետ

Կատարի ԱԳ նախարարը Թեհրանում հանդիպել է Իրանի արտգործնախարարի հետ։

Կատարի փոխվարչապետ և արտաքին գործերի նախարար Մոհամմադ բեն Աբդուլ Ռահման Ալ Թանին հինգշաբթի օրը Թեհրանում հանդիպել է Իրանի արտաքին գործերի նախարար Հոսեյն Ամիր Աբդոլլահյանի հետ։

«Ալ Ջազիրա» ցանցը հաղորդել է, որ Կատարի արտգործնախարարը Թեհրան կատարած   աշխատանքային այցի շրջանակում հանդիպել է Իրանի բարձրաստիճան պաշտոնյաների հետ և խորհրդակցել տարածաշրջանային խնդիրների շուրջ:

Իրանի և Կատարի ԱԳ նախարարները երեքշաբթի օրը հեռախոսազրույց էին ունեցել։

Հեռախոսազրույցում երկու երկրների պաշտոնյաները քննարկել էին տարածաշրջանային խնդիրները, կարևորել   դիվանագիտական ճանապարհներով  խնդիրների լուծման անհրաժեշտությունը, ինչպես նաև խորհրդակցել որոշ կարևոր հարցերի շուրջ։