Իրանը պատրաստ է աջակցել Կատարին՝ ֆուտբոլի աշխարհի առաջնությունն անցկացնելու հարցում
Կատարի էմիրի հետ հեռախոսազրույցում, ԻԻՀ նախագահը Թեհրանի պատրաստակամությունն է հայտնել աջակցել այդ երկրին՝ ֆուտբոլի աշխարհի առաջնությունն անցկացնելու հարցում:
Շեյխ Համադ բին Թամիմ Ալ Թանիի հետ հեռախոսազրույցում, շնորհավորելով ռամազան սրբազան ամսվա մեկնարկի կապակցությամբ, Էբրահիմ Ռայիսին ողջունէլ է Կատարում ՖԻՖԱ-ի աշխարհի առաջնության անցկացումըւ և հաջողություն մաղթել այդ երկրին՝ առաջնության անցկացման կապակցությամբ:
Ռայիսին նշել է. «Իրանը պատրաստ է տրամադրել ցանկացած աջակցություն՝ Քիշ կղզում և Կատարի մերձակա այլ կղզիներում աշխարհի գավաթի խաղերը լավագույնս անցկացնելու համար: Մենք վստահ ենք, որ աշխարհը հիշարժան խաղերի ականատես կլինի»:
Նա հավելել է. «Թեհրանը և Դոհան՝ ակտիվացնելով համագործակցության բոլոր կարողությունները և սերտ համակարգման շնորհիվ, կարող են արդյունավետ քայլեր ձեռնարկել՝ երկու ազգերի շահերի ապահովման և տարածաշրջանում կայունության ու անվտանգության հաստատման ուղղությամբ»:
Անդրադառնալով առաջիկայում Կատարի Էմիրի Թեհրան կատարելիք այցին, Ռայիսին նշել է. «Այցի ընթացքում կկայացվեն կարևոր որոշումներ»:
Ողջունելով Իրանի հավաքականի մասնակցությունը ֆուտբոլի աշխարհի գավաթի խաղերին, Կատարի էմիրը նշել է. «Մենք սիրով կդիմավորենք մեր եղբայրներին»:
Նա նշել է, որ առաջիկայում Կատարի ճանապարհների նախարարը Քիշ կղզում կհանդիպի իր իրանցի գործընկերոջ հետ՝ քննարկելու ֆուտբոլի համաշխարհային առաջնության շուրջ համագործակցության հետ կապված հարցեր:
