Իրանը թարմացրել է ահաբեկչական գործողությունների մեջ ներգրավված ամերիկացի անձանց պատժամիջոցների ցուցակը
Իրանի արտաքին գործերի նախարարությունը տարածել է հաղորդագրություն, որում ներկայացրել է ահաբեկչական և հակամարդկային գործունեության մեջ ներգրավված ամերիկացի անձանց պատժամիջոցների թարմացված ցուցակը։
Իրանի արտաքին գործերի նախարարության հաղորդագրության մեջ մարդու իրավունքների դեմ և ահաբեկչական գործողություններում ներգրավված ամերիկացի անձանց պատժամիջոցների ցուցակի վերաբերյալ ասված է.«Տարածաշրջանում Միացյալ Նահանգների կողմից մարդու իրավունքների խախտումների և արկածախնդիր ու ահաբեկչական գործողությունների դեմ պայքարի մասին օրենքի իրագործման շրջանակում ներկայացված ամերիկացի անձանց նկատմամբ պատժամիջոցներ են սահմանվել ահաբեկչական գործողություններ կատարելու, ահաբեկչությունը հովանավորելու ու տարածելու և մարդու իրավունքները կոպտորեն խախտելու պատճառով»:
Հաղորդագրության մեջ ասված է.«Ներկայացված ամերիկացի անձինք ներգրավված են եղել Իրանի ժողովրդի ու կառավարության դեմ ԱՄՆ-ի միակողմանի դաժան պատժամիջոցները հովանավորելու, կազմակերպելու և ուժգնացնելու, ահաբեկչական խմբավորումներին աջակցելու, նաև տարածաշրջանում, հատկապես՝ Պաղեստինի բռնահարված ժողովրդի դեմ Սիոնիստական ռեժիմի ռեպրեսիվ գործողությունները պաշտպանելու գործում»:
Միացյալ Նահանգները նաև վտանգել է միլիոնավոր իրանցիների կյանքը՝ հատկապես կորոնավիրուսային պայմաններում արգելափակելով իրանցիների հասանելիությունը դեղորայքին, բժշկական սարքավորումներին, և զրկելով նրանց իրենց հիմնական իրավունքներից: ԱՄՆ-ն նաև բացասաբար է ազդել նրանց սոցիալական ու տնտեսական իրավունքներից օգտվելու վրա։
