Ծովակալ Սայարի. Իրանի զինված ուժերին անհրաժեշտ սարքավորումներհն արտադրվում են երկրի ներսում
ԻԻՀ բանակի համակարգողի տեղակալը հայտարարել է, որ պատժամիջոցները նպաստել են Զինված ուժերի զարգացմանը և ինքնաբավությանը, հավելելով.«Իրանի զինված ուժերին անհրաժեշտ ողջ տեխնիկան արտադրվում է երկրի ներսում»։
Անդրադառնալով զինված ուժերում գիտական ռազմավարությանը, ծովակալ Հաբիբոլլահ Սայարին նշել է. «Տեխնիկայի անհրաժեշտությունը Զինված ուժերին ստիպեց քայլեր կատարել սեփական կարիքները բավարարելու ուղղությամբ և ի վերջո հասնել մի կետի, երբ անհրաժեշտ ամբողջ տեխնիկան արտադրվում է երկրում»:
Նշելով, որ Իրանի զինված ուժերում առաջադեմ տեխնիկայի կառուցումը սկսվել է հակադարձ ճարտարագիտությամբ, ծովակալ Սայարին հավելել է. «Ժամանակի ընթացքում մենք մեծ առաջընթաց ենք գրանցել Զինված ուժերին անհրաժեշտ տեխնիկայի կառուցման հարցում և այսօր արտադրում ենք ամեն ինչ՝ գաղափարից մինչև վերջնական արտադրանք: Այս գործոնը մեծ տարբերություն է առաջացրել Իրանի և այլ երկրների ունեցած ռազմական տեխնիկայի միջև»:
Ծովակալ Սայարին ասել է. «Այսօր մենք ունենք ամենաժամանակակից ֆրեգատները. որոնք ունեն հարձակվելու, ինչպես նաև ծովի մակարդակի վրա և օդային, ծովային ու սուզանավերի հարձակումներից պաշտպանվելու կարողություն»:
