Ամիր Աբդոլլահյան. Իրանն աջակցում է Պաղեստինի ժողովրդի դիմադրությանը և ազատագրական պայքարին
Իրանի ԱԳ նախարարը հայտարարել է, որ պաշտոնական Թեհրանը շարունակում է աջակցել Պաղեստինի ժողովրդի դիմադրությանն ու ազատագրական պայքարին։
Երկուշաբթի օրն իմամ Խոմեյնիի մահվան տարելիցին մասնակցած պաղեստինյան և լիբանանյան խմբերի կրոնական և քաղաքական առաջնորդների և պաշտոնյաների հետ հանդիպման ժամանակ, Ամիր Աբդոլլահյանն ասել է. «Իսլամական հեղափոխության գերագույն առաջնորդ Այաթոլլահ Խամենեին նույնպես, Իսլամական Հանրապետության մեծ հիմնադիր Իմամ Խոմեյնիի տեսակետի հետ մեկտեղ, առանձնահատուկ ուշադրություն է դարձնում Պաղեստինի ազատագրման խնդրին և հավատում է, որ այդ երկիրը կազատագրվի Սիոնիստական հանցավոր ռեժիմի օկուպացիայից»։
Անդրադառնալով պաղեստինյան դիմադրությանն Իրանի լիակատար աջակցությանը՝ Ամիր Աբդոլլահյանը հավելել է. «Որևէ ճնշում չի կարող Իրանին ստիպել հետ կանգնել իր սկզբունքային դիրքորոշումից»:
Դավաճանություն որակելով Սիոնիստական ռեժիմի հետ իսլամական երկրների հարաբերությունների կարգավորումն Աբդոլլահյանը հայտարարել է, որ այդ երկրները կզղջան իրենց քայլի համար:
Նա նշել է, որ պաղեստինյան հարցի միակ լուծումը բլոր փախստականների վերադարձն է և այդ տարածքի հիմնական բնակիչների շրջանում հանրաքվեի անցկացումը։
