Իրանը և Ղազախստանը 9 փոխըմբռնման և համագործակցության հուշագիր են ստորագրել
Իրանի Իսլամական Հանրապետության եւ Ղազախստանի նախագահների ներկայությամբ ստորագրվել է 9 փոխըմբռնման հուշագիր եւ համագործակցության փաստաթուղթ։
Իրանի և Ղազախստանի նախագահներ Սեյեդ Էբրահիմ Ռայիսիի և Ղասեմ Ժումարտ Տոկաևի ներկայությամբ երկու երկրի միջև ստորագրվել է 9 փոխըմբռնման հուշագիր եւ համագործակցության փաստաթուղթ։
Երկու երկրի համագործակցության փաստաթղթերի ստորագրման արարողության սկզբում, Ռայիսին և Տոկաևը ստորագրել են նաև համատեղ հայտարարություն։
Մինչ ստորագրման արարողությունը, Ռայիսին և Տոկաևը երկկողմ հանդիպում են անցկացրել և քննարկել են տարածաշրջանային խնդիրներ և հետաքրքրություն ներկայացնող թեմաներ։
Իրանի նախագահի՝ Ղազախստանի իր պաշտոնակցին դիմավորելու պաշտոնական արարողությունը կայացել է այսօր Սաադաբադի պատմամշակութային համալիրում,որտեղ հնչել է երկու երկրի ազգային օրհներգը:
Իրան կատարած այցի ընթացքում Ղազախստանի նախագահին ընկերակցում է շուրջ 40 ղազախ գործարարներից և առևտրականներից բաղկացած պատվիրակությունը։
Ռայիսիի մեկամյա նախագահության ընթացքում մեծ ուշադրություն է դարձվել հարևան և վերտարածաշրջանային բարեկամ երկրների հետ Իրանի հարաբերությունների ամրապնդմանը, և այդ ընթացքում այցելություններ են տեղի ունեցել Իրանի և Ռուսաստանի, Կատարի, Օմանի, Տաջիկստանի, Թուրքմենստանի և Վենեսուելայի բարձրաստիճան պաշտոնյաների միջև:
