Իրան-Ղազախստան առևտրի ծավալն աճել է 29 տոկոսով

ԻԻՀ մաքսային ծառայության խոսնակը հայտնել է Իրանի և Ղազախստանի միջև առևտրի ծավալի 29 տոկոս աճի մասին:

Սեյեդ Ռուհոլլահ Լաթիֆին ասել է.«Անցած տարի Իրանի և Ղազախստանի միջև փոխանակվել է 265 մլն 200 հազար դոլար արժողությամբ   729 հազար տոննա ապրանք, ինչը նախորդ տարվա համեմատ՝ քաշի առումով  աճել է 71, և  արժեքի առումով՝  29 տոկոսով:

Ղազախստանի նախագահի Թեհրան կատարած այցին զուգահեռ, Ղազախստանից ծծումբ պարունակող 42 վագոններով գնացքն անցնելով Թուրքմենստանից և հատելով Գոլեստան նահանգի Ինչեբորուն սահմանը, մտել է Իրան, իսկ այնտեղից արևմտյան Ատրպատական նահանգի Ռազի սահմանը  հատելով շարժվել  է դեպի Թուրքիա։