Ամիր Աբդոլլահյան. Իրանի Իսլամական Հանրապետությունը փորձում է դադարեցնել պատերազմն Ուկրաինայում
Իրանի ԱԳ նախարարն ասել է. «Իրանի Իսլամական Հանրապետությունը փորձում է դադարեցնել պատերազմն Ուկրաինայում»։
Իրանի արտաքին գործերի նախարար Հոսեյն Ամիր Աբդոլլահյանը իտալական La Repubblica թերթին տված հարցազրույցում հերքել է Իրանից Ռուսաստան հարյուրավոր անօդաչու թռչող սարքերի մատակարարման մասին ԱՄՆ-ի պնդումը և հավելել. «Թեհրանը ձեռնպահ է մնում ցանկացած քայլից, որը կհանգեցնի Ուկրաինայում հակամարտությունների սրմանը»:
Ամիր Աբդոլլահյանը հայտարարել է, որ Իրանը Ռուսաստանի հետ ունի բազմակողմ համագործակցություն, որը ներառում է նաև պաշտպանական ոլորտը։ Իրանը չի օգնում ուկրաինական պատերազմի կողմերից ոչ մեկին, քանի որ համոզված է, որ այս պատերազմը պետք է ավարտվի։
ԻԻՀ ԱԳ նախարարն հստակեցրել է.«Արևմտյան որոշ երկրներ, ներառյալ ԱՄՆ, զենք են արտադրում և փորձում են այն վաճառել, մինչ Իրանը փորձում է խուսափել ցանկացած գործողությունից, որը կսրի իրավիճակը տարածաշրջանում»:
