Թեհրանում կայանալու է Աստանայի գործընթացը երաշխավորող երկրների ղեկավարների 7-րդ գագաթնաժողովը
Իրանի, Թուրքիայի և Ռուսաստանի նախագահների մասնակցությամբ Թեհրանում կանցկացվի Աստանայի գործընթացը երաշխավորող երկրների յոթերորդ գագաթնաժողովը։
Սիրիայում խաղաղություն հաստատելու նպատակով Աստանայի բանակցությունները մեկնարկել են 2017 թվականի հունվարից՝ Իրանի Իսլամական Հանրապետության նախաձեռնությամբ և Ռուսաստանի ու Թուրքիայի համագործակցությամբ:
Երեքշաբթի երեկոյան Թեհրանում տեղի կունենա «Աստանայի գործընթացի երաշխավոր երկրների 7-րդ գագաթնաժողովը»՝ Իրանի, Ռուսաստանի և Թուրքիայի նախագահներ Սեյեդ Էբրահիմ Ռայիսիի, Վլադիմիր Պուտինի և Ռեջեփ Թայիփ Էրդողանի մասնակցությամբ։
Սիրիայում հրադադար հաստատելու և այդ երկրում տիրող ճգնաժամի համար քաղաքական լուծում գտնելու նպատակով հակամարտ կողմերի և Իրանի, Ռուսաստանի ու Թուրքիայի ներկայացուցիչների մասնակցությամբ Ղազախստանի Աստանա քաղաքում կայացած նախնական նիստերի անցկացումից հետո, «Աստանայի գործընթացը երաշխավորող երկրների ղեկավարների» առաջին գագաթնաժողովը երեք երկրների նախագահների մասնակցությամբ տեղի ունեցավ Ռուսաստանի Սոչի քաղաքում:
