Ռայիսին պաշտոնապես դիմավորել է Էրդողանին

Իրանի Իսլամական Հանրապետության նախագահը Թեհրանի Սաադաբադ մշակութային համալիրում պաշտոնապես դիմավորել է Թուրքիայի նախագահին։

Iran Press լրատվական գործակալության հաղորդման համաձայն՝ երեքշաբթի առավոտյան, Թեհրանի Սաադաբադ մշակութային համալիրում, Իրանի Իսլամական Հանրապետության նախագահ Սեյեդ Էբրահիմ Ռայիսին պաշտոնապես դիմավորել է Թուրքիայի նախագահ Ռեջեբ Թայիբ Էրդողանին:

Արարողության ժամանակ հնչել են  Իրանի և Թուրքիայի պետական ​​օրհներգերը:

Այսօր երեկոյան Էրդողանը կմասնակցի Իրան-Թուրքիա համագործակցության գերագույն խորհրդի յոթերորդ նիստին՝ Իրանի Իսլամական Հանրապետության նախագահի ներկայությամբ։

Հանդիպմանը քննարկվելու են Իրան-Թուրքիա հարաբերությունները և երկու երկրների միջև հարաբերությունների հետագա բարելավմանն ուղղված ջանքերը։

Էրդողանը մասնակցելու է նաև Աստանայի խաղաղության գործընթացի յոթերորդ գագաթնաժողովին, որին ներկա են լինելու նաև Իրանի և Ռուսաստանի նախագահները: