Իրանը պատրաստ է Հնդկաստանի հետ երկարաժամկետ պայմանագիր կնքել Չաբահար նավահանգստի զարգացման նպատակով
ԻԻՀ ճանապարհների և քաղաքաշինության նախարարը հայտարարել է Չաբահար նավահանգստի զարգացման համար Հնդկաստանի հետ երկարաժամկետ պայմանագիր կնքելու Իրանի պատրաստակամության մասին։
Հնդկաստանի նավահանգիստների, նավագնացության և ջրային ուղիների նախարար Սարբանանդա Սոնվալը կիրակի օրը հանդիպել է Իրանի ճանապարհների և քաղաքաշինության նախարար Ռոստամ Ղասեմիի հետ։
Հանդիպմանը Ղասեմին Իրանի կառավարության պատրաստակամությունն է հայտնել երկարաժամկետ պայմանագիր կնքել Հնդկաստանի հետ՝ Չաբահար նավահանգստում՝ հյուսիս-հարավ միջանցքն ավելի ակտիվացնելու և այս նավահանգստից ապրանքների տարանցումը զարգացնելու նպատակով հնդկական կողմից ներդրումներ ներգրավելու համար:
Նա նշել է, որ Չաբահար նավահանգիստը շատ մեծ հզորություններ ունի, հավելելով. «Իրանը կարող է այդ պոտենցիալ կարողություններն իրացնել Հնդկաստանի օգնությամբ»։
Հնդկաստանի նավահանգիստների, նավագնացության և ջրային ուղիների նախարար Սարբանանդա Սոնվալն ընդգծել է Չաբահար նավահանգստի կարևորությունը տարածաշրջանում բեռների տարանցման ծավալների ավելացման հարցում, հավելելով, «Չաբահար նավահանգիստը կարող է կրճատել բեռնափոխադրումների ճանապարհը, ծախսերն ու ժամանակը»։
