Լուսանկարներ՝ միլիոնավոր ուխտավորների Քարբալա կատարած այցից
Չնայած դեռ մի քանի օր կա իմա Հոսեյնի Արբաինին, սակայն միլիոնավոր ուխտավորներ այցելել են Քարբալա: Այս օրերին շիաների երրորդ առաջնորդ իմամ Հոսեյնի, նրա հավատարիմ զինակիցների և Ահլե Բեյթի (Մոհամմադ մարգարեի ընտանիքի անդամների) միլիոնավոր սիրահարներ, Բեյն ալ-Հարամեյնում (Իմամ Հոսեյնի և Հազրաթ Աբուլ Ֆազլի սրբավայրերի միջև ընկած տարածությունը) սգո արարողություններ են անցկացնում: Իրանից շուրջ երեք միլիոն ուխտավոր է այցելել Քարբալա:
Հաջջի ուխտագնացության ժամանակ մուսուլմանների հսկայական հավաքից բացի, ամեն տարի Իմամ Հոսեյնի նահատակության տարելիցին և քառասնօրյակին (Արբաին) Մուհարրամ և Սաֆար սրբազան ամիսներին ավանդական և կրոնական արարողություններ են անցկացվում իմամ Հոսեյնի հիշատակին։ Մզկիթներում, փողոցներում և սրբավայրերում անցկացվում են սգո արարողություններ։ Արբաինի քայլերթն այս ոգևորության ու սիրո ամենաակնառու դրսեւորումն է։ Թեև Արբաինի քայլերթը դարձել է համաշխարհային իրադարձություն, սակայն, ցավոք, կոնկրետ քաղաքական պատճառներով այն խստորեն ցենզուրայի է ենթարկվում համաշխարհային մասշտաբով, և չի խոսվում այս երթի համատարածության ու վեհության մասին:
